“Волшебно велигденско дрво” во Рамстор Мол

 

 

лого

И оваа година по повод Велигден, во Рамстор мол традиционално ќе се одржи хуманитраната акција “Волшебно велигденско дрво“.

Оранизирана и овозможена благодарение на Црвен крст на Град Скопје и Рамстор Mол во соработка со ЈУ Меѓуопштински центар за социјални работи на град Скопје, а поддржана од Комерцијална банка АД Скопје, оваа хуманитарна акција е наменета за корисниците од Дневниот центар за лица со церебрална парализа и Дневен центар за лица со интелектуална попреченост над 18 години “Пролет“.

Хуманитаната акција ќе трае од 05.04.2023, до 12.04.2023, каде што сите посетители на Рамстор Мол ќе имаат можност да одберат едно или повеќе хартиени велигденски јајца од “Волшебното велигденско дрво“, на кое се напишани желбите на корисниците од Дневниот центар за лица  со церебрална парализа и Дневниот центар за лица со интелектуална попреченост над 18 години “Пролет“ и да исполат нечија желба.

Се повикуваат сите граѓани и општествено одговорни компании да се вклучат во оваа акција, за заедно да исполниме желби и да донесеме среќа!

Сите заедно да ја подигнеме свеста за надминување на предрасудите и стереотипите за лицата со пречки во развојот, да им го разубавиме овој велигденски празник со исполнување на нивните скромни желби и да им подариме насмевки во овие вонредни услови на живеење.

На 13 април во Рамстор мол, сите собрани подароци ќе им се доделат на корисниците од Дневниот центар за лица  со церебрална парализа и Дневниот центар за лица со интелектуална попреченост над 18 години Пролет“.

Волшебно велигденско дрво