Трговскиот центар Рамстор е подготвен за започнување на летото на еден поинаков начин. Ги повикува најдобрите македонски модни блогери да ја создадат најдобрата модна комбинација за лето 2015 година од брендовите во Рамстор Мол. Кампањата е со цел да ги предизвика модните блогери да ја докажат својата креативност и да стилизираат сопствена модна ревија, а преку модниот перформанс посетителите да добијат одлични идеи за летен изглед.

Дополнителна вредност за сите посетители ќе биде и попустот на брендовите од Рамстор Мол. Модната ревија ќе се оддржи на ден 30.05, сабота од 18 часот на првиот кат во трговскиот центар Рамстор. За забавата ќе биде задолжен познат DJ, додека модератор на целиот настан ќе биде прекрасната Симона Николовска. Рамстор Мол ни најавува убаво и топло лето со многу активности за сите посетители.